History

cebuano sa web

Ang Sine nga HESUS

Seguro daghan nang sine ang imong natan-aw pero lahi nga klase ang sine nga Hesus. Usa kini nga tin-aw nga presentasyon sa kinabuhi ni Kristo nga makapabag-o sa mga kinabuhi.

Kini nga sine nahubad na sa lain-laing sinultian ug gipasalida na sa daghang mga lugar sa kalibutan. Ang hinungdan niining kalibutanong kalampusan ug pagdani sa mga tawo mao ra’g ikapasangil sa iyahang katinuuran, kahusto ug pagkabana sa mga detalye

Napili ang Ebanghelyo ni Lukas sa Balaang Kasulatan nga basihan sa diyalogo ug kalihukan sa sine. Lima ka tuig sa maalimahong pag-usisa ug pagpangandam ang gihimo bag-o gisugdan ang sine mismo sa Israel. Gikunsulta ang mga researcher, archeologist, historian ug theologian mahitungod niini. Adunay mga espesyal nga buhatanan aron sa paghimo sa mga kagamitan ug pamiste sa unang panahon.

"Gusto namong makahimo ug usa ka madulaong dokumentaryo mahitungod sa usa ka tinuod nga tawo nga nabuhi, 2,000 nga tuig na ang nahilabay," saysay ni Paul Eshelman," Nanginabuhi si Hesus pinaagi sa iyahang mga kamot, nabuhi kauban ang mga tawo, nikaon sa ilang mga pagkaon ug nakahibalo sa ilang mga kasakit. Gusto namong makahimo ug usa ka sine nga magpasinati sa mga tawo nga aduna silay maayong pagsabot mahitungod niining tawhana nga nag-usab sa direksiyon sa kasaysayan ug padayon nga nagbag-o ug mga kinabuhi sa atong panahon karon. Usa ka nilalang nga Ginoo ug tawo mao si Hesus nga taga Nazareth."

Kinahanglan ang hingpit nga pagpangita sa mga artista hilabi na sa tawo nga magdala sa papel ni Hesus. Para mas katohuan, ang 45 nga mga artistang lalake ug ang 5,000 uban pang gilpili nagikan sa mga tawong nagpuyo sa tunga sa sidlakan. Ang papel ni Hesus gihatag kang Brian Deacon, miyembro sa gibantog nga Royal Shakespearean Company sa Inglatera. Napili siya sulod sa 1,000 artistang lalake tungod kay simple apan adunay pagtahud ang iyahang paghulagway sa pagkatawo ni Hesus sama sa gipakita kanato ni Lukas.

Sa pagkakaron, nahubad na sa kapin sa 523 nga sinultian ang sine nga Hesus. Mga 2 bilyong mga tawo sa tibuok kaibutan ang naggasto ug nagdumala sa ingon nga sine ilalum sa produksiyon ni John Heyman, usa ka ginantihan sa Cannes Film Festival. Ang Warner Brothers ang unang nagpasalida niini sa America.